VI қысқы республикалық универсиадаға 1000-нан аса спортшы қа...


«VI Ұлттық қысқы республикалық Универсиада ойындары Қазақстан Тәуелсіздігінің 25 жылдығына арналады, -деп хабарлайды kazinform.kz

Бұл ойындарды өткізудегі басты мақсат - Елбасы Н. Назарбаевтың қазақстандықтардың кем дегенде 30 пайызын бұқаралық спортпен шұғылдануға тарту туралы тапсырмасын орындау және жастар арасында осы бұқаралық спортты кеңінен насихаттау. Сондай-ақ, бұл ойындар Алматыда 2017 жылы болатын 28-ші Дүниежүзілік қысқы студенттік Универсиада ойындарына дайындық іспеттес болады», - деді өз сөзінде ҚР Білім және ғылым вице-министрі Тахир Балықбаев.

Сонымен қатар, Тахир Оспанұлы ұлттық Универсиада аясында қысқы спорттың 10 түрінен жарыстар өтетіндігін жеткізді.«Ұлттық Универсиада аясында 10 спорт түрінен жарыстар болады. Олар: президенттік көпсайыс, шаңғы жарысы, биатлон, шорт-трек, тау шаңғы спорты, сноуборд, қысқы спорттық бағдарлау, шаңғымен тұғырдан секіру, шайбалы хоккей және конькимен жүгіру. Ойындарға республика бойынша 35 жоғары оқу орындарынан құрамында жалпы саны 1072 спортшы бар 141 спорт командалары қатысады. Олар спортпен тұрақты түрде айналысып жүрген жәнде қандай да бір разряды бар студенттер. Ал жарыстар Балуан Шолақ атындағы спорт сарайында, «Медеу» спорт кешені, «Шымбұлақ» тау-шаңғылы шипажайы, Алатау шаңғы биатлоны кешені, Халықаралық «Сұңқар» шаңғы тұғырлары кешені және әл-Фараби атындағы ҚазҰУ спорт сарайында өтеді», - деді Т. Балықбаев.

Айта кетелік, Алматы қаласында тұңғыш рет ұйымдастырылып отырған 6-шы Ұлттық республикалық Универсиада ойындарының ашылу салтанаты 6-шы ақпан күні күндізгі сағат 13:00-де Халықаралық «Сұңқар» шаңғы тұғырлары кешенінде өтсе, жабылау салтанаты 17-ші ақпан күні Балуан Шолақ атындағы спорт сарайында болады.

Автор: Жаппарберген Айбота

Фотосурет: www.newskaz.kz

Постоянный адрес статьи:
http://meta.kz/novosti/kazakhstan/1035253-vi-1179ys1179y-respublikaly1179-universiada1171a-1000-nan-asa-sportshy-1179a.html


Популярное