Шымкентте үй жануарларына тегін егу жұмыстары басталды


Оңтүстікте наурыз айынан бастап қаладағы төрт түлік малға аса қауіпті жұқпалы аурулардың 15 түрін алдын алу мақсатында егу жұмыстары басталады. Сондай-ақ, 25 түрлі ауруға диагностика жұмыстары жүргізіледі, деп хабарлайды otyrar.kz.

Бұл жұмыстарға жергілікті бюджеттен 78 млн теңге бөлінген. Айта өтейік, соңғы уақытта Шымкентте мал саны өсіп отыр. Бұған қала аумағында 40 елдімекеннің қосылуы да себеп болып отыр.

Статистикалық мәліметтерге сүйенсек, қала халқында 64 мың ірі қара, 124 мың ұсақ және 6 мың жылқы мен 9 мың шошқа тіркелген.

Ветеринар мамандардың мәлімдеуінше, жыл сайын жүргізілетін шаралардың нәтижесінде қауіпті аурудың тіркелуі кеміген. Өткен жылы қала бойынша 109 ірі қарадан, 115 ұсақ малдан бруцеллез, яғни, сарып ауруы анықталып, жойылған.

Фото: gold-bridge.ru

Постоянный адрес статьи:
http://meta.kz/novosti/kazakhstan/1039084-shymkentte-1199y-zhanuarlaryna-tegn-egu-zh1201mystary-bastaldy.html


Популярное